ក្រុងប៉ារីសៈ
ការទម្លាប់ដើរហាត់ប្រាណជាក្រុមតាមផ្លូវ
អាចមានអត្ថប្រយោជន៍ច្រើនសម្រាប់សុខុមាលភាព
និងធ្វើឲ្យពួកគេមានក្រមសីលធម៌ល្អផងដែរ។
នេះបើយោងតាមព្រឹត្តិបត្រអង់គ្លេស Journal of Sports Medicine
កាលពីថ្ងៃចន្ទកន្លងមក។
ក្រុមអ្នកស្រាវជ្រាវសុខភាពមកពីសាកលវិទ្យាល័យអ៊ីស អេនលីយ៉ា
នៅអង់គ្លេស
បានធ្វើការវិភាគទិន្នន័យមនុស្សចំនួន២០០០នាក់មកពី១៤ប្រទេស
ដោយបានផ្តោតទៅលើសកម្មភាពដើរហាត់ប្រាណជាប្រចាំរបស់ពួកគេ
ដែលមានរយៈពេលតិចជាងមួយម៉ោងក្នុងមួយថ្ងៃ។
ការស្រាវជ្រាវបានបង្ហាញថា តាមរយៈការហាត់ប្រាណនេះ
មានការបង្កើនល្អសម្រាប់សុខុមាលភាព
បើធៀបជាមួយអ្នកមិនបានដើរហាត់ប្រាណនោះ។
វាជារឿងតូចមែន!តែមានប្រយោជន៍ច្រើនចំពោះសុខភាពដូចជាអាចជួយ
ឲ្យរាងកាយមាំមួន ស្រស់ស្អាត សម្ពាធឈាមដើរស្រួល
បេះដូងមានចង្វាក់ដើរស្រួល សួតដំណើរបានល្អ
មានតុល្យភាពនៃកម្រិតជាតិកូលេស្តេរ៉ូល
កាត់បន្ថយជាតិខ្លាញ់លើរាងកាយ និងអាចរំងាប់អារម្មណ៍ជំងឺ
ស្ត្រេសបានទៀតផង។
មិនតែប៉ុណ្ណោះ វាក៏ជួយកាត់បន្ថយនូវកម្រិតអាការឈឺសន្លាក់ចង្កេះ និងកំណត់កម្រិតជាតិស្ករក្នុងឈាមផងដែរ។
អ្នកដើរហាត់ប្រាណជាប្រចាំ អាចចៀសផុតជំងឺទឹកនោមផ្អែម
ជំងឺសន្លាក់ដៃជើង ជំងឺក្រៀមក្រំចិត្ត និងជំងឺសរសៃប្រសាទទៀតផង៕
No comments:
Post a Comment