សុកឆ្មា

លក្ខណះរុក្ខជាតិៈ ជាប្រភេទស្មៅមានកំពស់ពី ៤០ទៅ១០០សម ដើមត្រង់បែកមែកច្រើន។
ស្លឹកៈ ស្លឹកទន់រាងមូល ស្រួចចុងបន្តិច គែមស្លឹកមានធ្មេញរណាតូចៗ ទងស្លឹកវែងដុះចេញពី ដើម ទំហំស្លឹកបណ្តោយ៣,៥ ទៅ ៥សម ទទឹង ២,៥ ទៅ ៤សម។

ផ្កាៈ ដុះចេញពីដើម និងចេញពីគ្រប់ប្រគាបទងស្លឹក មានទងវែង និងសន្លឹកតូចមួយនៅប្រគាបទង តូចបន្តបន្ទាប់រាងជាស្លឹកតូចៗតាមបណ្តោយទងផ្កា។

កន្លែងដាំដុះ : ដុះតាមភូមិ ដីចំការ ដីសើម។

ផ្នែកប្រើប្រាស់ៈ រុក្ខជាតិទាំងមូល។

សារធាតុគីមីៈ ដើមមាន Acalyphine, glucosid, cyanogenetic, triacetonamine, HCN, ព្រមទាំងមាន ជាតិគីមីពុលខ្លាំងម៉្យាងដែលគេមិនទាន់រកឃើញ។

ការព្យាបាលៈ ជាថ្នាំរំលាយស្លេស​ បំបាត់ក្អក ហត់ ផ្សះ បន្ទន់លាមក រលាកទងសួត រលាកសួត។

របៀបនិងកំរិតប្រើៈ ប្រើក្នុងកំរិត ១៥ ទៅ ៣០ ក្រាម ដាំផឹក។ ប្រើខាងក្រៅសំរាប់ព្យាបាល រមាស់ និង ពស់ចឹកដោយយកស្លឹកស្រស់បុកបិតពីលើមុខពស់ចឹក។